Ario el savéva scriva e el racuntèva le stòri d'la semplic' vita de tutt i giorne, sa la grèzia e comicità arguta, sa d'i personagg' che d'le vòlt i s'truvèva in situazion de téndra umanità. Ario l'era un òm gradevol da avé com amich e un autor important da avé in Compagnia, sia durant la costruzion d'un lavor che durant le su' rappresentazion parchè, anca s'en vléva mèi fès véda in scena, nojatre al vedémmi e al sentimmi durant el svolgimènt de tutta la comèdia come sugeritor, chius déntra la su'“buga” t'la ribalta (na volta la s'duprèva) acsé a l'avémmi lustéss tra d'nojatre, in scena, e la su' presenza la ce dèva sempre tranquillità. Questle le i è solamènt qualcuna d'le su comèdi indò a i ho recitèd: “La font d'la salut” – “Quatre chil d’eredità” – “California Pepp” – "Chèsa mia, chèsa mia” – “La terza metà” – “La polvra del palcscenich” – “La morosa d’nostra fiòla” –"Le nozze di Santo Francesco" - "Io sono Chiara" - “Hotel Pax” – “La lega d’j afamèd” – “Tutti pentidi, tutti boni”.
