Par nojatre ragazz l'èra un "ors da palchscénich" ch'el dimostrèva i su' sentimènt e el su' aprezzamènt par quéll che s'fèva sa d'le batùd butèdle malé, détt tra i dènt o, sopratutt, sa i fatt. Ma me, par furtuna, è capitèd da avé sti su' segnèl in tutt e dò i mòd; a i ho da dì, comunque, che Galliano Cecchini, sa'l su' profesionisme, el riusciva guèsi a fè tuchè sa le mèn l'amor par el Teatre ma chi el lavrèva sa lo, sopratutt ma nojatre ragazz. L’ultima volta ch'a i ho recitèd a teatre sa Galliano è stèd t'el 1978 in "Chèsa mia, chèsa mia" de Ario Righetti e t'un chel period el m'ha chiamèd anca par registrè sa lo d'le su' scenétt de "El svelt e el papaloch" par Telepesaro. Lavrè "spalla a spalla" sa Galliano è stèd 'na ròba ch'la m'ha inorgoglìd e che ancora a m'arcòrd.
