Ah, quajómbre!
Maché tuti a dém i nómbre.
Sa sta smènia d’giughè al lòtt
è sucèss un quarantott!
In t’le ricevitorì
c’è d’le cód a nun finì
sa quéi ch’i ha d’i numbre bòni
dòp ch’i ha interpretèd l’insòni,
quéi ch’i prega el pedretèrne
da imbrochè ma un amb o un tèrne,
quéi ch’i cerca in ogni mòd
d’bechè un numbre in tutt le ròd.
C’è chi gióga d’martedé,
c’è chi spera al venerdé,
c’è chi spénd la pèga sena
par giughè tutta la stmèna.
Sta de fatt: sa st’le estrazión
c’vò fortuna e convinzión,
cum t’la vita, è sempre acsé,
tra tutt quéi ch’i s’da da fè
insisténd, qualch’d’un c’inzécca
e qualch’d’un el fa cilecca,
cum t’la vita acsé t’el lòtt:
gira l’pall… e i busolòtt.
Paolo Cappelloni
________________Poesia segnalata al Premio di poesia dialettale “Odoardo Giansanti” detto Pasqualón edizione 1998