Carlo Pagnini

Se Galliano Cecchini el m'ha aiutèd a capì la tecnica d'la recitazion, Carlo el m'ha insegnèd moltle ròb e moltle a le i ho "asorbìd" spontaneamènt anca parchè a créd che el nostre mòd de recitè el sia abastanza simil. Carlo, in piò, l'è na persona inteletualmènt generosa e quand a la sera, dòp d'le pròv, a turnémmi a chèsa a pid facénd par un bèl pèzz la stessa strèda, a parlémmi de teatre… e co' c'è de méj che stè a sentì ma le riflesion serèl d'un brav ator??
Anca s'a sim stèdi par parécch' tèmp t'la stessa Compagnia a i avém avud pochissime vòlt l'ocasion da recitè "spalla a spalla" finchè en è arivèd el 2000. T'un cl'ann Carlo l'ha decìs da ritirès dal Teatre "atìv" e i l'ha vlud fè regaland ma la citadinanza la rapresentazion d'una su' comèdia che ma lo j pièc' in mòd particolèr parchè gradévol par chel mist de comich e de sentimentèl che c'è déntra; è stèd acsé ch'el m'ha propòst d'afianchèl al Teatro "Rossini" in "Pruvém", presentèdi dall'allora Sindaco de Pésre Oriano Giovanelli.
A m'arcòrd che pochi second préma da entrè in scena, t'un chi momènt che a essa bòni a i chiamém de "tension", a i ho susurèd ma Carlo: "Mo chi ce l’fa fè?" e lo el m'ha rispost: "Sta pasionaccia par el Teatre!"
E’ stèd comunque sa cl'abracc' del publich del "Rossini" che: Carlo l'ha lascèd le scén (par furtuna non del tutt) e me a sò arturnèd a recitè.